Murmur

Mae rhai defnyddwyr wedi cael trafferthion gosod Cysgliad ar rai peiriannau sy’n rhedeg Windows 7.

Erbyn hyn mae diweddariad ar gael sy’n datrys y problemau a oedd yn effeithio ar rai defnyddwyr Windows 7. Mae modd llwytho’r diweddariad hwn i lawr o wefan Cysgliad.

Mewngofnodwch i wefan Cysgliad gan ddefnyddio manylion eich cyfrif personol ac yna dilynwch y dolenni at y pecyn diweddaru. Os nad ydych yn cofio neu’n gwybod beth yw eich cyfrinair yna cliciwch ar y ddolen “Wedi anghofio eich manylion mewngofnodi?“

Mae’n ymddangos nad yw Cysill o fewn Microsoft Office ar Windows 7  yn gweithio cystal ag y dylai ar rai cyfrifiaduron.

Gall y botwm ‘Gwirio Dogfen’ yn Word achosi neges debyg i’r canlynol  i rai defnyddwyr:

‘Could not create CysillWaiter object. Please ensure the DLL CysillWaiter is registered or try running ‘Cysill 3.0′ from the start Menu and choose ‘Gosod->Gosod Bar Offer Word’ from the ‘File’ menu. If this problem persists consult Canolfan Bedwyr.’

Mae’r erthygl hon am geisio esbonio sut gallwch ddatrys hyn drwy lwytho’r ffeil DLL CysillWaiter i lawr a’i chofrestru ar eich cyfrifiadur. Yn anffodus, mae’n eithaf technegol, ond mae croeso i chi gysylltu â ni os ydych yn cael trafferth i’w dilyn.

Yn gyntaf llwythwch CysillWaiter.dll o’r cyswllt yma :

http://www.e-gymraeg.org/downloads/cysgliad/cysillwaiter.dll

a’i chadw ar eich gyfrifiadur yn ffolder gosodiad Cysill, sef :  C:\Program Files\Canolfan Bedwyr\Cysgliad\Cysill

Nesaf, agorwch Windows Explorer (neu ‘My Computer’/'Cyfrifiadur’) ac ewch i C:\Windows\System32. Yn y rhestr hir o ffeiliau mae un o’r enw ‘cmd‘ neu ‘cmd.exe‘. De gliciwch ar hon a dewisiwch ‘Run as administrator‘.

Mae ffenestr ddu yn ymddangos gyda’r testun canlynol:

Microsoft Windows [Version 6.0.6002]
Copyright (c) 2006 Microsoft Corporation.
All rights reserved.

C:\Windows\system32>

Ewch yn ôl at ffolder Cysill yn y ffenestr ddu newydd drwy deipio :

cd C:\Program Files\Canolfan Bedwyr\Cysgliad\Cysill

ac yna rhedwch :

regsvr32 CysillWaiter.dll

drwy ei  deipio ac wedyn pwyso ‘return’ neu ‘enter’.

Os oes neges yn ymddangos i gadarnhau bod y cofrestru wedi llwyddo, yna dylai’r botwm ‘Gwirio Dogfen’ yn Word yn awr weithio.

Os ydych yn dal i gael problemau ac mae’r neges canlynol yn ymddangos :

“Could not create Cysill object. Try running Cysill 3.0 from the start menu. If this problem persists, consult Canolfan Bedwyr.”

yna mae angen dechrau Cysill o flaen llaw o ddewislen cychwyn arferol Windows 7, trwy de glicio a dewis ‘Run as Administrator’.

Gobeithio y bydd hynna’n gymorth i chi, a chofiwch fod modd i chi gysylltu â ni os ydych chi’n dal i gael problemau.

Yn dilyn ein diweddariad ar gyfer Cysill 3.0 , mae diweddariad o fersiwn cartref Cysgeir 1.0 nawr hefyd ar gael. Os nad yw Cysgeir ei hun wedi eich hysbysu o’r diweddariad, yna dewiswch o’r brif ddewislen

• Help -> Chwilio am ddiweddariad

neu

• Ymddangosiad -> Dewisiadau -> Diweddaru -> Edrych Nawr

Yn niweddariad Cysgeir

• ceir trefn newydd o dderbyn geiriaduron newydd a diweddaru rhai sydd eisoes ar gael.
• cyflymwyd Cysgeir wrth gychwyn
• cynorthwyir OpenOffice.org 3.0

Wedi i chi ddiweddaru’n llwyddiannus, dewiswch o’r brif ddewislen

• Cymorth -> Chwilio am Ddiweddariadau Geiriaduron

Mae yno rai cywiriadau i eiriadur Cysgair (y geiriadur cyffredinol cynhwysfawr o fewn Cysgeir), fersiwn newydd o Y Termiadur (sy’n disodli Y Termiadur Ysgol) a’r geiriaduron termau newydd canlynol :

• Termau Gofal Iechyd Pobl Hŷn
• Termau Therapi Galwedigaethol

Mae diweddariad o fersiwn cartref Cysill 3.0 nawr ar gael. Os nad yw Cysill ei hun wedi eich hysbysu o’r diweddariad, yna dewiswch o’r brif ddewislen

• Help -> Chwilio am ddiweddariad

Yn y diweddariad hwn

• ceir ychwanegiadau i lecsicon sillafu a chronfa rheolau gramadeg Cysill
• datryswyd problemau gyda marciau cwestiwn mewn dogfennau
• cyflymwyd Cysill wrth gychwyn
• cynorthwyir OpenOffice.org 3.0